Fehmet  a  lkiyyas ..

              Fehmet  a  lkiyyas  ,

              A  ssam3in  umi  nhedder  ,

              Ghef  Ldjuher  telha  ssifa - s  ,

             Lqed  d  a3erdjun  n  t-tsmer ....

              Tenn a - k  argaz  d  amessas  ,

              Nectaq  a  ldjid  ak - nzer  ,

              Amghar  d  a3essas  ,

             Ketch  d  ahbib  ur  -k  nenker....

            D  ssfayef  deb3en - t  fell-as  ,

            Mm  lall  n  timmi  tedwer  ,

           D  zznad  n  At  3ebbas  ,

           W ' ibghan  ad  yemmet  yehder .

     &&&---------------------------------------------&&&

           A  ttir  azegzaw  n  cc3er  ,

          Ighimi  ulaygher  ,

         Tsxil-ek  ruh  s  lxeffa  ...

         Taj3elt - ik  (1)   ddem-its  hader  . (2)

        Tasebhit  bekker  ,

         Gher  Yamina  mm  temgert  tesfa  ...

        Tehkud  i  tusbight  n  ccfer  ,

        Lehlak-iw  yedher  ,

        Fell-as  ul-iw  yetsfafa ....

       Mm    twejjit  tehmer  ,

       D  itij  ma  yenqer  ,

       Chal  temleh  s  ddrafa ...

      Tenna-k  ay  ahbib  sber  ,

      Di  sin  ay  nenter  ,

       Kulci  iteddu  s  lemsa3fa ...

      Ma  d  Rebbi  yezga  yehder  ,

      A  lbaz  lherr  ,

     Ay   imrebbi  di  cceffa  ... (3)

    Regmen - agh  medden  yedher  ,

    Fell -am  ur  nesber  ,

     Ttsargugh - kem  di  ttnafa ...

                         (1)    ta  récompense ( negh  tuntict ) .

                        (2)     tura  (  sur  le  champ  ) .

                        (3)     talettat  ( aqerruy  n  wedrar  ) ..le  sommet   montagneux .

                         -  Si  Med  Said  Oua3li ( poète  des  Ait  Mlikèche )  -

          Tefghed  la  tessirid :

         Ssbeh  zik  deg  wass  l3id  ,

         Tefghed  la  tessirid  ,

          Thukk  lluz  tetriyyes ...  (1)

           S  yesem - is  ay  netchihid  ,

           Taqcict  ur  telmid  ,

           Ay  tehdeq  bezzaf  tekyes ...

           D  afalku  yeqqim  meb3id  ,

           La  ts - id  yetserqid  ,   (2)

           Aghbub  la  izehhu  yid - es  .

                                 (1)   tetszuxxu   /    (2)   yetsmuqul .

     &&&--------------------------------------------------&&&

            Nek  d  wul - iw  nemmichan  ,

            Yesserwa -yi  lemhan  ,

            Nigh  tezram  si  zik  nennugh  ...

            Ur  yelli  s  gw ' issethan  ,

            Ul  adehhan  ,

            Ireffu  mar ' at - nhugh ....

            Lemhibba  n  Ldjuher  it - yerhan  ,

            Tga - yi  lehsan  ,

            Tarum -iyi  lherz  ats - tsugh .

      &&&-----------------------------------------&&&

            Tsxil - ek  a  ttir  lhadeq  ,

            D  ul - iw  ihemmeq  ,

            Izri - w  ye3bed  imetti  ...

            Serreh  deg  ifeg - ik  dleq  ,

            Di  tegnawt  3ewweq  ,

            Di  lhara - s  bedd  steqsi ...

            Ar  deffegh  tuzyint  ne3ceq  ,

            D  afwad - iw  yehreq  ,

            Tec3el  tmes  tug ' attexsi .

     &&&-----------------------------------------&&&

            Ddur - a  subbegh  s  azniq  ,

            D  azal  yetsreqriq  ,

            Ur  ufigh  hed  di  lhara - s  ...

           Tefgh - ed  mm  zzin  rqiq  ,

           Mrehba  s  werfiq  ,

            Ans ' akka  id - yejjba  ughilas  ..

            S  limin  id - tsghelliq  ,  (1)

            Nek  yid - ek  ur  nefriq  ,

            Ak - tsaghegh  lebghi   kul  ass .

                             (1)  id - tetsgalla .

       &&&----------------------------------------&&&

           Tahbibt  yella - n  tetswennis  ,

           Ma  tfka  ul - is  ,

           Tetsased  mebl ' acegge3 ...

            Mi  t3eddad  zdat  wallen - is  ,

           Kulci  di   ddehn - is  ,

            Match ' am  tehbibt  uke3ke3  ... (1)

            Ma  teslid  si  tqemmuct - is  ,

            Tetsethi  di  zzin -is  ,

            Attemmet  wal ' attexde3  .

                       (1)  tahbibt  n  ttmesxir .     

          Am di yir targit

            Am  di  yir  targit  kecmegh  ,

            Mi  sligh  tbeddeld  axxam  ,

            Gwrigh-d  d  awhid  nterregh  ,

            ugigh  ad-sebregh  fell-am  ....

           Ma  mlalegh-kem  yiwen  wass  ,

           Ghurem  wadjeb-ed  i  tmughli-w  ,

           A  kem-in  3eqlegh  ger  tullas  ,

          Fell-am  ad-cfunt  wallen-iw  ,

          Tedji-d  ccama  d  rrsas  ,

          M ' a -akem  tsugh  di  ddunit-iw  ...

         Ma  fghegh-am  si  lbal  wissen  ,

        Ciwer  ul-im  ad  am-yini  ,

        Yebbwas  an3eddigh  ghur-wen  ,

        Balak  a  kem-id  yesmekti  ,

        D  ul-iw  igenne3taben  ,

         Ssebba-s  d  kemmini  ...

         D  kem  i  ttamezwarut  ,

        I  yesnegh  di  ddunit-iw  ,

       D  kemmini  i  ttasarut  ,

       Ifethen  lebghi  bbwul-iw  ,

       D  kem  igecban  lmut  ,

       Mi  terzid  lmektub-iw  .

                                        Ait  Menguellet  Lounis  (  poète  et  chanteur  kabyle  )

Ugadegh  lmudja :

             Aqli _ yi  af  rrif  n  temda  ,

             Ugadegh  lmudja  ,

             Sa3diya  nedhegh  s  yesim - is   ...

             A  tasekkurt  yennumen  nnda  ,

             A  mm  yisem  ihedja  ,

             A  lxetyar  di  tilawin  ...

             Usigh - d  ad - ssutregh  iwet  lhadja  ,

             Yak  zrigh  tella  ,

             Tabbuct - im  d  ddwa  iw  mudin  ...

    &&&_____________________________________&&&

             Rebbagh  tasekkurt  s  lheqq - is  ,

             Ttaferrujt  s  lqis  ,

              Ferhegh  ghilegh  ats  - 3acer  ,

              I  tezyen  di  lewsayef - is  ,

              Tif  akw  lmetl - is  ,

               D  itij  n  ssbeh  ma  yenqer  ...

                Ar  lexxer  tbeddel  tikli - s  ,

                 Terwel  af  lehl - is  ,

                 Tedja - yagh  nug '  annesber  .

      &&&_____________________________________&&&

                 Yiwen  wass  gwass  llexmis  ,

                 I3erq - iyi  isem - is  ,

                 Taqcict  mi  semman  Werdiya  ...

                 Afus - is  di  tqemmuct - is  ,

                 Iggecbeh  wudem - is  ,

                  Meb3id  ay - getsak  ttya  ...

                 Aw '  ittsen  ar  t3ebbut - is  ,

                 Ger  tebbucin - is  ,

                Ad  fell - as  sellmegh  ddenya  ..

      &&&_______________________________________&&&

                  Yengha - yi  yides  d  we3waz  ,

                  S  lmehna  d  wermaz  ,

                  Mi  t3edda  tuzyint  nedme3  ...

                  3eldjiya  yelli-s  n  lbaz  ,

                  Nghil  ats - nhaz  ,

                  Tesrafeg  seg  fus - iw  temne3  ...

                  Yugh - its  Qassi  ahezzaz  ,

                  Yetsrahen  amm  lgaz  ,

                   Zdeffir  its - yettaba3  ...

    &&&____________________________________&&&

                  Taqcict  f  nektal  zzit  ,

                   La3yun  berrikit  ,

                  Fadma  a  yelli - s  n  ldjid  ...

                  Tettef  afendjal  deg  fus - is  ,

                   Walagh  tabbuct - is  ,

                   I3req - iyi  cced  uyeddid  ...

                   Aw  '  ittfen  igenwan  ,

                   Yessudumen  aman  ,

                    Semlil - agh  anettes  lwahid  .

        &&&_________________________________&&&

                  Ay  wul - iw  be3d  i  lekdeb  ,

                   D  lehmala - s  tes3eb  ,

                   Mm  lall  lberhan  qesseh  ...

                   Zrigh  zzin  d  le3dj  ,

                  Tsafendjalt  n  ddheb  ,

                   Treqq  am  yetri  n  ssbeh  ...

                   Kra  bw '  its  -  yezran  yesleb  ,

                   Deg  zenqan  yeqleb  ,

                   Yebbwi  l3emr - is  yejreh  ...

   &&&______________________________________&&&

                    T3erq - iyi  tuttfa  lleqlam  ,

                    A  lqed  lle3lam  ,

                     D  taghwzalt  n  tmurt  n  ccih   ...

                     A  lefnar  deg  wass  n  ttlam  ,

                     Dehbiya  mm  lekwmam  ,

                       Eyya d  anawi  tsrih  ...

                      Annettef   abrid  n  Ccam  ,

                       Lhemm  d  asemmam  ,

                       Aqbayli  ard  as  -  nertih  .

      &&&___________________________________&&&

                      Besmelleh  anebdu  lqessa  ,

                      Af  yisem  n  Malha  ,

                      Mm  tecrad   sedd  '  umeqyas  ...

                      D  tizerzert  di  ssehra  ,

                       Yetsnusun  berra  ,

                       Am  lebraq  i tetsnehwas  ...

                       Nigh  3erdegh - ts  yiwet  lmerra  ,

                       Ur  ts  -  rwigh  -  ara  ,

                        Ul - iw  d  amejruh  fell  -  as  .

Temmut  te3zizt  ur  nemzir ...

                       Temmut  te3zizt  ur  nemzir  ,

                        Lmut  a  tetssextir  ,

                        Rebbi  iteddu  di  nneqma  ...

                        Ay  akal  ur  ts - etsghiyyir  ,

                       Mm  la3yun  n  ttir  ,

                        Ta3fumt - as  a  lmuluka   ...

                        D  azawali  ur  tehqir  ,

                        D  yelli  - s  n  lxir  ,

                         Merhumet  si  djahennama   .

     &&&_____________________________________&&&

                        Lemnam  agi  d  bu  tlufa  ,

                        Urgagh  Yamina  ,

                         Atsaya  mm  udem  imserri  ...

                        Llebsa   ines  d  lfuda  ,

                        Aggus  d  ssfifa  ,

                        Taksumt - is  d  afilali  ...

                        Ukigh - d  ur -ts  ufigh  ara  ,

                         Wtegh  di  tsummta  ,

                        Rrigh ts  i  lwe3d  imetti   .

        &&&_____________________________________&&&

                        Nek  id -em  a  tuzyint  nefreq  ,

                        Gherreb  negh  cerreq  ,

                         Lexde3  sg -em  id  -  yekka  ...

                       Affwad - iw  fella - m  yehreq  ,

                        D  ighes  iceqqeq  ,

                         Tayri  - w  sg -em  tetwekka  ...

                         Im  '  ighyura  angherreq  ,

                          Nezga - d  ne3weq  ,

                         Bettu  cubagh - t  d  azekka  .

     &&&________________________________________&&&

                         Ulac  w ' illan  d  asiyar  ,

                         A s - yawi  lexbar  ,

                          As - yefk  lewdjab  ufus - iw  ...

                          Nemyussan  asmi  neqqar  ,

                         Ma  tecfa  meqqar  ,

                         Imiren  t - tadjart - iw  ...

                         Tura  teqsem  i w  bu3emmar  ,

                          Tusbight  llecfar  ,

                           Terna  nnefs  di  lemhayen -iw ...

      &&&_________________________________________&&&

                          Recdegh - k  a  lfahem  heqqeq  ,

                           Yes3eb  lfiraq  ,

                           Di  tudert  uqebl  lmut - is  ...

                           Tuzyint  ghef  netsu3ewweq  ,

                            S  ddrafa  tehdeq  ,

                            Dehcegh  mi  d - bggen  iman - is  ...

                            Wi  ts - yes3an  Rebbi  at - yerzeq  ,

                            Fihel  ma  isewweq  ,

                            Di  lerbah  yezga  umur - is  .

     &&&_____________________________________________&&&

                          Tdehr - iyi  di  lhara  ,

                          Di  llakul  teghra  ,

                          Taqcict  ihedjan  s  lherf  ...

                           Ttizerzert  di  ssehra  ,

                           Yetsnusun  berra  ,

                            Ur  yezmir  hed  ats - yettef  ...

                           Mi  ts - lu3agh  wahed  lmerra  ,

                            Ur  teqbil  ara  ,

                            Aqliyi  am  zerzur  s - tta3f   .

    &&&______________________________________________&&&

                          A  weltma  awi  m - ihkan  ,

                           Attezred  ay - gellan  ,

                           Yemken  ad  yehnin  wul - inem  ...

                            Asm  '  im - xedmegh  lehsan  ,

                            D  idrimen  ay - gellan  ,

                             Dimi  3zizegh  ghurem  ...

                             Ma  ttura  tedjid -i  3eryan  ,

                             Zdat  ldjiran  ,

                              Yak  Rebbi  ur  tebbwid  yidem  .

       &&&______________________________________________&&&

                            Assa  3ecrin  di  remdan  ,

                            Lqelb - iw  yurnan  ,

                            Mi  sligh  s  tuzyint  thus  ...

                             Tehlek  lehlak  d  ameqqwran  ,

                              D  udem - is  yucyan  ,

                              Tghad - iyi  tucbiht  llbus  ..

                            Tsxilek  a  kabir  ccan  ,

                            Azen - as-ed  ldjebran  ,

                            A   ssellah  ttfet - as  afus  .

Lemmer am zik tella tsrika ,

Nezga-d netwekka ,

Kulwa yedja-d limara-s.......

Ghef zzin nebbwi dderka ,

D lwiz i nefka ,

Ne3ceq di zzhu n tullas......

Tura imi tbeddel ssekka ,

Ur yenfi3 lebka ,

Ssber iluhq-it layas.

                     &&&------------------------------&&&

Lherf-iw yedda f lfa ,

D ta s lexfida ,

S lmim ig hedjja yesm-is......

Fella-s ul-iw yetsfafa ,

Rwigh tilufa ,

Hubagh a medden amdiq-is.....

Siwa netsat i nufa ,

Tzad di ssifa ,

A  w'its-yeccan d asfel-is.

                         &&&------------------------------&&&

Tdehr-iyi tekkes f idmaren-is ,

Walagh tabbuct-is ,

Ay atma qrib mmutegh.......

Tameqyast di tghilect-is ,

Axxi d lmelh-is ,

Temne3-iyi ur ts-udnegh.....

Tecbeh rnu 3ziz yisem-is ,

Yes3eb lhekwm-is ,

Truh tedja-yi ur zwidjegh.

            &&&--------------------------------------&&&

Uqmegh lmul di lxali ,

Af nek ur neghri ,

Txussed a yul-iw ladeb......

Qeldegh amgud n tili ,

Nwigh d l3ali ,

Zighamm'ur yes3i lmedheb.....

Tin ghef rwigh lemhani ,

Nnigh-as tugi ,

Akka xir yelha ujerreb.